Antsa an'onjam-peo no kalo
NY TETIK’ASA
Ny tanjon’ity tetik’asa ity dia ny hampahalala ny mpanoratra tononkalo Malagasy rehetra na mpikambana anaty fikambanana na tsia .
Ity tetik’asa ity dia vokatry ny fiaraha-miasan’ny takelaka www.radiovazogasy.com sy ny vetso.serasera.org ary ny trano fandraisam-peo www.studiodiffusion.com
NY FOMBA FIASA
Fiaraha-miasa amin’ny vetso.serasera.org
Alefa mialoha ao amin’ny takelaka vetso.serasera.org ny tononkalon’ny mpanoratra farafahakeliny dimy
Alefa miaraka amin’izay ihany koa ny mombamomba ny mpanoratra (arahina ny drafitra*) sy ny sary
Fiaraha-miasa amin’ny www.studiodiffusion.com
Mitafatafa sy milazalaza ny momba azy mandritra ny folo minitra eo ny mpanoratra
Miantsa sy mamaky ny sangan’asany izay tiany (dimy farafahabetsany) ny mpanoratra
Manao fandraisam-peo ao amin’ny “studio diffusion “ ny mpanoratra ary ampiarahina amin’izay hira tiany izany.
Atao ao amin’ny trano fandraisam-peon’ny “Studio diffusion” ao Andravoahangy ny vakiraokan’ny fandraisam-peo fa aty Paris kosa no atao ny fandravonana sy ny famaranana ny raki-peo avoaka amin’ny takelaka
Isaky ny alatsinainy tolakandro no fanaovana ny fandraisam-peo. Mandoa vola ny andro hafa.
Fiaraha-miasa amin’ny www.radiovazogasy.com
Rehefa vita ny fandraisam-peo dia avoaka amin’ny www.radiovazogasy.com ny raki-peo , ary ny www.radiovazogasy.com no manao ny fampahalalana sy ny fampilazana ny mpihaino
FANDRAISANA ANJARA
Maimaim-poana daholo ny fandraisana anjara , fa ilaina ihany kosa ny fahamatorana sy ny fanajana ireo rafi-pikarakarana , hahatomombana ity tetik’asa ity.
