LASA (Ny vodilanitra)

Lasa tsy nilaza,lasa tsy nanao veloma
Lasa'izy mantsy ka irery eto am-pikaloana
Irony sisa mba tadidy,sombisombiny ihany
Fa ny tena izy,efa lasany any

Mitanondrika irery manoloana ny taratasy
Mihazona ny penina,handraketana ny lasa
Hanangona ny very ho entina ho vatsy
Hiatrehako ny anio,hampitrakako ilay fo maratra

Eny e!tsapako ihany'lay fitia,tsy haiko hadinoina
Reko mangina fa niniako tsy nohenoina
E!lasa'izy mantsy ka nofinofy ilay faniriana
Ilay fitia nomeny ahy,tsy naharitra hafiriana....
--------