SOMBIN'I AINA (Aina Nirina)

Sombin’i Aina
(lohatenin’ny boky havoakan’i Aina Nirina atsy ho atsy)

Sombiny amin’ny aiko
No notazako ho anao hankafizanao ny tsirony,
Ny foko sy ny saiko
No nampiaram-peo hiangaly ny filirony,
Ny korisam-peniko
No arantiko aminao ny rehitry ny jirony,
Ny hatsotran’ny fiteniko
No hanampy tosika ny zavan’ny fanilony…

Nezahiko ho tsotra
Mba ho takatrao ny hevitra lazaiko ,
Kanto te-hizotra
Ho any an-tsahan’ny nofy ny kalo nohiraiko.
Tiako ianao ho babo,
Hianoka hasambarana amin’ny sombin’ny aiko,
Tiako ho voatsabo
Ny sentonao niserana nila tsy ho voabaiko…

AINA NIRINA
(06 novambra 2014 tamin’ny 20 :36)
--------