You are here: home > Vetso

izao angamba no fotoana f - al'fy

izao angamba no fotoana farany
ahafahana mirotsy ny andro nolalovana
ny tangoron-tsento, izay mety hararany
tondra-dranon' hirifiry, porofom-pahalovana
niainana hatrizay.

asaina ho avy eto aloha ny lasa
hanati-dranomaso am'zato fandehanako
ampandalovana eto ny zava-nokinasa
hany dindo  sarobidy ho an'reo taranako
sisa mba tsy may...!

izao angamba no ora aro-tsiro
andaozan'ny fanahy ity lakana nindraminy
efa valaka ny nofo, eny maty jiro
sasa-miandry azy ny vovoky ny taniny
akora nanambarana!

asandratra eto ho hany fiarahabana
ny fanaovam-beloman' izao tontolo izao
eto, hamiratra ho hazavana
ny dimbin'ny lasa vita ka nahalao...
ho feno fahasambarana!

Sokajy : Fahantrana

Hevitra mandeha

raims randriamalala (03/06/2019 14:34:32)

tangorin-tsento

hery (03/06/2019 22:56:44)

Tsy misy tsipi-panohizana "-" angaha ny vatanditeran'i al'fy ? :-)

ikalamako (05/06/2019 11:46:52)

maro mihitsy ny tsy manana tsipi-panohizana ato fa tsy i Al'Fy irery
:P

al'fy (21/08/2019 07:20:53)

misaotra tamin'ny fanitsiana! ao fa ezahana ny hanao ny tsara kokoa e! mankasitraka

ikalamako (21/08/2019 20:01:29)

gravy koa fa nandalo nisaotra i Al'fy fa tsy nanitsy akory an...... tsssss

Hametraka hevitra

Midira aloha