NY NOELINAY ANIO (andony)

Nantsain'i
(Nalaina tao amin'ny vetso.serasera.org)
1. Ny Noelinay anio, ry Tompo ô noho Ianao
Ka hosana sy hobio, no injao manako ao
Fa androm-pamonjena, fanavotan-dehibe
No atolotrao sesehena, ho an’ireto marobe.


2. Ny Noelinay anio ry Tompo ô irinay
Mba ho Noely fankasitrahanao anay
Ka ny fiderana sy ny Antema izay atao
Dia mba ho tena hanitra ho ankasitrahanao.

3. Nekenao ry Jesosy tia ny hidina ho ety
Nekenao tokoa satria, mba hamonjy ny mania
N’iza n’iza eran-tany, manan-jara avy aminao
Ka ho Noely tena mamy izao Noelinay izao.


4. Ry Jesosy zazakely izay nitondra Noely soa
Irinay mba hiely ny fitiavanao ho anay koa
Ny omaly efa lasa, fa ny anio sy ho doria
Ireto olonao mikasa ny Noelin’ny FITIA
--------
Rohy:
Sokajy : Krismasy
3277 3
Hametraka hevitra
Midira aloha
Momba ny tononkalo
Mpanoratra : andony
Nampiditra : kasa
Daty : 03/01/2015 14:05
Antsantononkalo
Nantsain'i
© Eugene Heriniaina - serasera.org 1999 - 2024 - page load 0.0097