ATAOVY TOY NY TANY AMPIANDOHANA (Rasamindrakotroka Andry Tiana)

Nantsain'i s19andry5851
(Nalaina tao amin'ny vetso.serasera.org)
Ataovy toy ny tany am-piandohana,
Irony fiarahana amin’olon-tianao.
Tena tsotra sy madio, tsy isalasalana,
Ilay fitia nitsiry tao am-po hatram’izao.

Ataovy toy ny tany am-piandohana,
Ny teny sy ny tsiky eo imolotrao.
Mahatehotia, tena mahasalama,
Mandeha ho azy koa ny zavatra atao.

Ataovy toy ny tany am-piandohana,
Ny sangisangy, ny zavatra fanao.
Na mafana ny andro na koa mamanala,
Tsy hiova mihitsy ary tsy hisy ho lao.

Ataovy toy ny tany am-piandohana,
Tokam-po toy ny siny hatram’izao.
Any am-piasana na ao an-tanàna,
Hifampiantso hoe: “F’aiza ianao?”

Ataovy toy ny tany am-piandohana,
Ny adiadiady kely maro mora hadino,
Tsy ho tra-maraina ary mora hialana,
Hanimba mantsy, mety tsy hampino.

Ataovy toy ny tany am-piandohana,
Hifampierana hatrany ny zavatra hatao.
Ho tena mafy orina toy ny lalàna,
Ilay tokantrano mamy izay naorinao.

Ataovy ho toy ny tany am-piandohana,
Ny fitadiavana ny vady andefimandrinao.
Tsy andry mihitsy ‘zay hifankahitana,
Eny satry foana hihaona izao dia izao.

Ataovy toy ny tany am-piandohana,
Ny fivavahanao ho an’ny olon-tianao.
Ho lavitra azy foana ny asan’i Satana,
Ho sambatra hatrany izy sy ianao.

RASAMINDRAKOTROKA Andry Tiana
21 Febroary 2017
--------
Rohy:
1141 6
Hevitra mandeha
s19andry5851 ( 25/03/2023 09:29)
AZA HADINO NY MANINDRY ILAY FO EO AMBONY IO MANAMARIKA NY FANDALOVANAO.
MANKASITRAKA TOMPOKO, SAMY HO TAHIAN'NY TOMPO HATRANY ISIKA !
Professeur Andry RASAMINDRAKOTROKA
Hametraka hevitra
Midira aloha
© Eugene Heriniaina - serasera.org 1999 - 2024 - page load 0.0109