You are here: home > Vetso

Hisy - arcane

Hisy

Hisy ahiahy hanjaka anao tanteraka
Hibahana ho baraingo, hijadona, hihetraka,
Raha mba fantatrao ny fihetseham-pony
'lay nifanao veloma hifankahita hono...

Hisy ranomaso tsy foy ho tantaraina
Fa mifangaro nofy ny tsiahy tsy voafehy,
Tsy fantatrao niseho na volavolan-tsaina
'lay horoka nanampoka ny resaka mandeha

Hisy andro iray hahatsapanao hirifiry
Hampanontany tena ny anton'ny fisiana,
Nitondranao hiantsy ny lanitra mangiana
'lay hafatra namarana fitiavana mihiry

Fa tsy ho tsapanao raha tsy nijaly ianao
Ny anton'ny tarainako izao hariva izao,
Heverinao kihanta sy sangisangy ihany
Ny endriko manjonitra, ny masoko tomany...

Sokajy : Fitiavana

Mombamomba

Mpanoratra : arcane

Nampiditra : arcane
Daty : 27/08/2004
Mpamangy : 929
Mankafy : 0
Ankafizo

Tononkalo hafa

Ny fitia
Ho an'i malalako
Eritreritra
Kilalaon-teny
Raha...
Miandry
Maso mifanojo

Hevitra mandeha

rivorazafy (30/06/2012 17:33:22)

tafita ny hafatra

Hametraka hevitra

Midira aloha