ILAY RAFINAO (Bien aime)

Mbola tsisy niantsa

Hangataka antsa
(Nalaina tao amin'ny vetso.serasera.org)
Malala a !
Etsy mba henoy aho....

Na aza tsy ho lazaiko
Nefa tsy maintsy ho fantatrao ihany
Ka sao ianao hanontany
Dia tsoriko eto androany
fa misy any ho any,
misy rafinao
Ilay tiko toy ianao
Izay tsy haiko ho simbaina
tsy sahiko ho ratraina
na koa ambaniana
ny fisiany.....
Ka mandraka ankehitriny
Mbola tiko ,tena tiko loatra izy
na amin'ny mamy na amin'ny mangidy
Fa izy no mpanarina ahy amin'ny sampana tsy izy
mpampitsiky ny foko
raha sendra mitoloko
Raha iny aho mitanondrika
Ka lazaina etoana,sao ianao maika hiantoraka.....
Fa tiako ianao hahalala
Izy anie taloha e,fa ianao tafara
Saingy na izany ,aza araraka tomany
Ilay rafinao.....?
tsy iza akory izany
fa ilay ''ASA SORATRA ''ihany

bien aime 04/02/19
--------
Rohy:
Sokajy : vazivazy - Fitiavana
759 0
Hametraka hevitra
Midira aloha
Momba ny tononkalo
Mpanoratra : Bien aime
Nampiditra : Doverabiclo
Daty : 09/03/2019 15:27
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0097