You are here: home > Vetso

Raha te ho sambatra - Claude RANDRIANANTENAINA

Raha te hitady hasambarana
sy te hamboly fifaliana
Te hanala hasasarana,
sy te hanala fanaviana,
     dia esory tao ny fo !

Raha te hitady fitoniana,
tsy te hahita fijaliana,
te handamina fisainana
tsy hiventy fitarainana,
    fitiavana tsy atao an-doha !

Tsy te hahita fahoriana ?
foano koa ny faniriana.
Raha tsy te hivaky loha,
esory tao ny ati-doha !
    dia matory tsy mifoha !

Raha te hiadam-poana,
ka tsy te hiahiahy,
te handroba fa tsy sahy,
te hatavy te hifahy,
    dia esory ny fanahy !
        
        Fa ho tretrika ianao ! ...

Sokajy : Fitiavana

Mombamomba

Mpanoratra : Claude RANDRIANANTENAINA

Nampiditra : rfanjav
Daty : 10/10/2003
Mpamangy : 1868
Mankafy : 1
Ankafizo

Hametraka hevitra

Midira aloha