You are here: home > Vetso

Asa Izany - Dox


Asa izany

Ny masonao no itiavako iny habakabaka iny,
Sa ny masonao no tiako dia ny habakaba-manga?
Asa izany fa ny foko dia mihira ny hafaliany,
Anoloan'ny masonao sy ny lanitra mitranga!

Ny tsikinao no itiavako fivelaram-bonikazo,
Sa ny molotrao no tiako dia ny voninkazo ihany?
Asa izany fa ny foko tsy mitsahatra mivazo,
Anoloan'ny tsikinao sy ny voninkazo hatrany!

Tia ny voro-mihira aho fa nandre anao nikalo,
Sa ny vorona mikalo ivetsoako anao mandalo,
Nitondra hira tamin'ny fiainako nangina hira taona maro!

Asa izany fa izao no hany zavatra tsaroako:
Hatramin'ny niarahantsika dia mientana ny foko,
Ka mivetso ny fitiavako. O antony, fantaro!


Dox

Sokajy : Fitiavana

Hevitra mandeha

lapino (31/08/2006 01:16:14)

Milay be io tononkalo io! ;)

sitlo (27/07/2007 19:27:25)

ny tratranao no itiavako ny apongabeandanintra
sa ny tratranao no tiako dia ny apongabeandanintra?

hasna.mandroso16 (17/05/2016 19:41:24)

tiko be!!

Kiala.andria (26/12/2017 18:51:29)

Tena mandona ny foko io tononkalo io

Hametraka hevitra

Midira aloha