Omeo hotezain'ny fiainana (Dox)
(Nalaina tao amin'ny vetso.serasera.org)
OMEO HOTEZAIN’NY FIAINANAAza atao hahataitra ny ranonorana mandriaka,
Ny danik’andro mahamay, ny fanala mangatsiaka…
Avy mifanosotsosoka amin’ny andro tony ireny,
Ary ny Mpandahatra azy, misy zavatra kendreny !
Ny fisian’izy ireny no ahamasahan’ny voankazo.
Raha ho lohataona lava tsy hisy akory vokatra azo.
Sorena ianao fa voasakana tamin’ny kasain-kaleha.
Izay ianao anefa inona raha miolotra amin’ny be ?
Aza atao hahataitra ny oram-baratry ny fiainana,
Ny fitsapana mahamay, fa asio fisaintsainana…
Ireny sy ny rivo-dozany ary havandrany dia ilaina !
Ny tononkiran’ny mpanoratra ngezalahy dia mazava :
Tsy ho masaka ny fo raha ho lohataona lava.
Omeo hotezain’ny fiainana ny fanahy, ny fo, ny saina !
DOX
Folihala. Tak. 88
--------
Rohy:
Sokajy :
Fiainana - Fampaherezana
Mpakafy:
havotraniaina - mialiii - Ndaox - rfanomezantoky - hery - jorakoto - Andrylalaina dado mystery - Ajnal - karako - hariL
Hevitra mandeha
oza
(
23/03/2010 12:31)
ra mba manana an'le "tritriva" iny nareo re tompoko ô d mba apetrao eto a, mba tiko mantsy iz iny nefa ts itako ato :(
misaotra mialoha
misaotra mialoha
Andrylalaina dado mystery
(
09/12/2017 13:47)
Asa ianareo raha tahaka ahy
fa otrany sarotra amiko ny mamaky ny asan'ny Dox?
fa otrany sarotra amiko ny mamaky ny asan'ny Dox?
