Hetraketraka (Elie Rajaonarison)
(Nalaina tao amin'ny vetso.serasera.org)
HETRAKETRAKA Misy maso tsy hitanao fa mijery anao ihany
Misy fo tsy tsapanao fa mitepo anao mangina
Misy saina tsy arakao fa misaina anao hatrany
Misy tia tsy fantatrao fa mandray anao ho tiana
HETRAKETRAKA
Misy olo-maninao, mankahala anao tanteraka
Misy endrika tianao, tsy nahalala anao akory
Misy fo hirifanao, milefa anao ho gina reraka
Misy nofy maminao, saingy rehefa ianao matory
HETRAKETRAKA
Misy sento indray mitosaka nefa tsy mba miomban-day
Misy maso indray mitopy nefa tsy mba mifanena
Misy tanana mitsotra nefa tsy mba mifandray
Misy tiana sady tia nefa miandry, mihenahena
HETRAKETRAKA
Misy fo te hifangia fa somparan-tsy hiaraka
Misy fo, fanahy miray fa didiana hifampiery
Misy tana-mifandray fa dia misy mampisaraka
Misy aina roa ho iray fa sarahina an-tery!
HETRAKETRAKA
--------
Rohy:
Mpakafy:
Andry751622731 - nicole3 - Niainahasina - hery - AZTECA - Aro-Zo - RKjeanclaude - R Rova - Ilay 1 - Simpona - Miarantsoa
Hevitra mandeha
Miarantsoa
(
18/12/2004 19:22)
I Elie Rajaonarison io fa fantatro!
Tiako loatra io mpanoratra io !
Mahazo isa 5 no mhoatra izy
Tiako loatra io mpanoratra io !
Mahazo isa 5 no mhoatra izy
andriary
(
21/12/2004 12:03)
tsara!tsy teny hafa ilazako azy!
hasiniony
(
24/12/2004 16:58)
NB: Io no tononkalo ankafizoko indrindra (Elie Rajaonarison)
Simpona
(
18/05/2006 13:30)
Tsaroako tsara ny nahitako ireo andalana efatra voalohany ireo voalohany indrindra
Tena akafiziko tokoa io tonokalo io
Tena akafiziko tokoa io tonokalo io
RAILOVY
(
11/10/2006 06:26)
tena tiko le tononkalo e, tsisy ambara fa babo aho. railovy
ledada
(
28/11/2006 10:31)
anio aho zany vao nahalala ho "hetraketraka " ny lohatenin'io tononkalon'i Elie io e!
ilay andalana 4 voalohany ihany no haijko tsianjery. misaotra an'i hasiniony nampiditra an'io eeeee! mankasitraka an'i Elie koa!
ilay andalana 4 voalohany ihany no haijko tsianjery. misaotra an'i hasiniony nampiditra an'io eeeee! mankasitraka an'i Elie koa!
Nyakosombinaina
(
18/07/2017 07:21)
TSARA
AZTECA
(
03/09/2019 12:44)
gaga aho fahiny isaky ny nanatrika ny antsan tononkalo rehefa alarobia hariva tao am' cgm; hoe iza ary moa ity rangahy somary lava2 volo amprahatoka ity...
♫ ♪ ☼ ►
tena nananany ilay talenta! mankasitraka e.
♫ ♪ ☼ ►
tena nananany ilay talenta! mankasitraka e.