AHY... (FahNamby)

AHY....


Redonin'ny foko ny ratran'ny lasa
Nandamaka saina, nandavo kinasa,
Kaloiny ao anaty ny ngidin'ny tsiahy-
Sy ny aloka maintin'ny ratsy fanahy.

Ventesin'ny saiko ny riman'ny fery
D'izaho no mimalo mizaka irery,
Ny hazo filanjan'ny very fanahy-
Tsy hidongiako fitserana ho ahy.

Ketohin'ny ady ny saina maratrako
Sininton'ny fasana hatramin'ny vatako
Tahamboraka ihany, kanefa tsy sahy-
Angamba efa miandry, ilay rangolahy.

Ny lasa efa maty no mbola mitsangana
Ny visa ho ampitso tsy nisy niangana,
Nandindona loatra ny fo sy fanahy-
Naningotra koa, ny aina mba ho ahy.


FahNamby
2017
--------