TETO (FahNamby)

TETO...


Tandidinao ve ito vato misy sary fo
voatsindron_defona ito?
'Lay niarahana nanangana ho vato fehizoro
sy marika fitia!
teto isika roa, no nifanao voady tsy hisaraka n'oviana.
teto koa no nisy i Toky sy ny dina.
Teto 'zaho sy ianao no nifanojo maso
rehef'iny ianao nandalo,
Teto 'lay toerana nanaovana takalo tsiky sy alahelo.


Teto ianao no reko namaly ny fitiavako
nanaiky dia nitsiky.
ito toerana ito, masina rahavako fa nampihorina ny antsika.
Teto 'zaho sy ianao no niara_nitokiky,
niaraka nanjonitra raha sendra ranomaso
niaraka nikomy tamin'ny gafin'ny ankaso.


Tsaronao ve 'lay andro efa mena faravodilanitra
mbola isika teto nihanoka hasambarana?
ireny ankehitriny tsy maintsy hoe nifarana e.
Reko tamin'ny namana mpiaramianatra taloha fa,
maty anio maraina, ianao 'lay mba voaloha
namborahako fitia.


Androany!
'zaho irery sisa, no eto mandevina fitiavana
tsy misy hoe havana na namana hampionona.
FITIAVANA a!
mandria am_piadanana, intsony aza mifoha.
veloma hoy 'lay teto, efa taloha.


FahNamby
12 Aogositra 2017
--------