ADY AMIN'ADALA (Fredy Jaofera)
Mbola tsisy niantsa
(Nalaina tao amin'ny vetso.serasera.org)
ADY AMIN'ADALAMiady amin'adala
ka reraka fotsiny
fa hay mankahala,
na ity hafotsiny.
Miady amin'adala
ka aleo mangina
fa tsy mpandala
ny tsara sy tiana.
Miady amin'adala
ka very fotoana
fa tsy mahalala
ny lesona foana.
Miady amin'adala
ka dia afa-baraka ;
metimety ny miala
sao mahazo daka.
Fredy JAOFERA
--------
Rohy:
Sokajy :
Ady - ahy - Fisarahana - Fahatsiarovana - Eritreritra mandalo - Alahelo - fiainana - Aingam-panahy
