AMIN'NY FAHAMARINANA (Fredy Jaofera)

AMIN'NY FAHAMARINANA




Mandeha amin'ny fahamarinana,
mankany amin'ny fahombiazana
mihoatra noho izay fanadinana
natrehana sy efa nahamazana.





Mandeha amin'ny fahamarinana,
mankany amin'ny fahasambarana,
mampitranga ireo fanambinana
toy ny efa, hoe, fandaharana.




Mandeha amin'ny fahamarinana,
mankany amin'ny soa sy ny mety
raha izy no mbola anankinana
'reo tanjona mba ho vetivety !




Mandeha amin'ny fahamarinana,
mankany amin'izay fandresena
mety hahitam-pahamasinana
hiroboroboan'ireo fahendrena.




Fredy JAOFERA
--------