EFA FANTATRO (Fredy Jaofera)
Mbola tsisy niantsa
(Nalaina tao amin'ny vetso.serasera.org)
EFA FANTATROEfa fantatro ny hoaviko
fa horakofam-pahasambarana
ka na inona hotadiaviko
dia efa izay no fandaharana !
Efa fantatro ny androko
fa hitondra lamina ato ho ato
sy hisy ny masoandroko
mbola hanazava tsy an-kiato.
Efa fantatro ny tanjoko
fa hanjohy ny lala-nofinidiny,
na maro ireny akanjoko
navela ho lao fa tsisy vidiny.
Efa fantatro ny taonako
fa hampipoitra ny fiadanana
ary mandrapihaonako
no sisa eto am-pamaranana.
Fredy JAOFERA
( AMBOHIPANJA 1985)
--------
Rohy:
Sokajy :
manokana - ahy - fananarana - Fiononana - Fahatsiarovana - Eritreritra mandalo - Alahelo - fiainana - Aingam-panahy
