EVINA (Fredy Jaofera)
Mbola tsisy niantsa
(Nalaina tao amin'ny vetso.serasera.org)
EVINAEvina sendra tsy nahy
no nitondra ny tsiaro
ka namoha ny fanahy
ho any re ka fantaro.
Evina sendra tsy tana
fa tsy tratran'ny sery ,
sarotra mbola nialana
fa tsaroana ho nahery.
Evina miandry fitia
mba hirehitra foana
ka tsy hampikodia
fa ho jiro anoloana.
Evina mila malala
hamaly ny fo oriory
na ilay olo-mahalala
fa ny aty tsy matory.
Fredy JAOFERA
--------
Rohy:
