FIRY TAONA ?!... (Fredy Jaofera)

Mbola tsisy niantsa

Hangataka antsa
(Nalaina tao amin'ny vetso.serasera.org)
FIRY TAONA ?!...




Firy taona izy teo
kanefa ange jereo
fa mihamikororosy
na zara fa mandroso
‘zato firenena
efa mivena ?



Firy taona izy teo
ka ahoana no tsy leo
fa tsisy fiovana
na fahagagana,
n’aiza n’aiza
ange, sakaiza ?



Firy taona izy teo
fa tsy nahenoana feo,
na kely akory
ny tsy hatory
ho an’ny osa
toa miavosa ?



Firy taona izy teo,
nisy niantso hoe : vonjeo
kanefa dia tsy hita
Rehefa mba tafita
na hoe voafidy
fa toa nandidy ?



Firy taona izy teo
no nibaiko hoe : poteho
ka tsy mahavariana
raha ny fijaliana
no mandresy
sy misesy ?





Fredy JAOFERA
--------
Rohy:
1191 1
Hametraka hevitra
Midira aloha
Momba ny tononkalo
Mpanoratra : Fredy Jaofera
Nampiditra : 3004
Daty : 02/05/2009 22:35
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0104