INY IANAO... (Fredy Jaofera)

Mbola tsisy niantsa

Hangataka antsa
(Nalaina tao amin'ny vetso.serasera.org)
INY IANAO...






Iny ianao nisintaka toy ny vorona nikopaka,
ninia toa nanadino 'rony tsiky izay nitobaka,
dia nanorana tsy satry ny taza-manoloana
ka tonga nampahatsiaro ny lasa teny foana.




Iny ianao nanjavo sy nilentika any ho any,
nanimba ny vita sy nitondra ireo tomany,
namory ranomandry hampangatsiaka ery
ny andro maromaro nahay nikalo sy nitia.




Iny ianao nandeha sy tsy nisaina hiverina,
nandà tanteraka ahy raha nikasa haterina,
oram-baratra mahery no nipoapoaka teo
ka azon'alahelo efa nihevaheva anikeheo.




Iny ianao nitopy sy niseho ho tsy nahalala,
nangarika ahy tokoa sy nitana ilay malala,
nampisento lavareny ka tsy hay, hoe, nahoana
fa tsy hita niarahaba na nilaza mandrapihaona.




Fredy JAOFERA
--------
Rohy:
1225 2
Hametraka hevitra
Midira aloha
Momba ny tononkalo
Mpanoratra : Fredy Jaofera
Nampiditra : 3004
Daty : 13/02/2017 23:53
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0104