You are here: home > Vetso

Izaho ve no adala - Fredy Jaofera

Izaho ve no adala f’efa olona tsy tiana
Dia asainy mbola hotiavina
Sa iriny ny hampahosa sy ho feno fijaliana
Hahazoany izay tadiavina ?
     Izaho ve no adala f’efa andry tsy antenaina
     Dia terena mbola hiankinana
     Sa metimety aminy ny ananan-tebin-tsaina
     Sy ny tsy hahazo fanambinana ?
Izaho ve no adala f’efa aloka nandavo
Dia asainy mbola hiverenana
Sa mahasoa azy ny tsy ahafahako miravo
Sy ny hananam-panenenana ?
     Izaho ve no adala f’efa ratsy lavareny
     Dia terena mbola harahiko
     Sa ny hahapotika ahy no efa tiany ombieny
     Ka hampahory ny fanahiko ?
Fredy JAOFERA

Sokajy : Fitiavana

Mombamomba

Mpanoratra : Fredy Jaofera


Nampiditra : hery
Daty : 04/02/2004
Mpamangy : 1203
Mankafy : 0
Ankafizo

Tononkalo hafa

AZA MITSARA
MARARY NY MARINA
HENDRE
'ZAO DIA 'ZAO
NY LAINGA
RAOZY SA TSILO ?
EFA TANY !...
KINTANA
FARARANO
SAFIDY

Hametraka hevitra

Midira aloha