You are here: home > Vetso

KARAMA VARY MASAKA - Fredy Jaofera


KARAMA VARY MASAKA





Karama vary masaka
no azony isam-bolana,
na feno na misasaka,
tsy ampy re no olana.




Karama vary masaka
no valin-kasasarany,
vao iny fa mipasaka
dia lany no anarany.




Karama vary masaka,
volan-tokantranony ;
marary fa asakasaka
ny asa raha ajanony.




Karama vary masaka
no ihafiany ombieny,
na mitondra dasaka
sy mitsiky lavareny.





Fredy  JAOFERA

Hametraka hevitra

Midira aloha