KETSA (Fredy Jaofera)

Mbola tsisy niantsa

Hangataka antsa
(Nalaina tao amin'ny vetso.serasera.org)
KETSA



Ny lasa dia lasa
ka tsy afaka hiasa
hamerina indray
ny nisy hatrizay !


Miova ny tiako
fa dia nijaliako
ny zavatra vita,
na nisy tsy hita.


Miova ny tsara
fa efa voarara
ny tsy hiara-dia
ny vetsom-pitia.


Miova ny mety
fa mbola tanety
ny tany rehetra,
nampitsetsetra.


Koa mahasoava
sy ho lalandava
hahazo ny ilaina
no mba tanisaina.


Veloma finaritra,
na tsy naharitra
ireo dina natao
mbola hihavao...


Be re ny hafa
ka aza mijafa,
na kely monja
no teny mafonja.


Be re ny soa
mbola afa-mamoa,
ka tsara tsodrano
fa lasa ny vano !


Fredy JAOFERA
--------
Rohy:
Sokajy : Fisarahana
975 0
Hametraka hevitra
Midira aloha
Momba ny tononkalo
Mpanoratra : Fredy Jaofera
Nampiditra : 3004
Daty : 27/07/2008 21:49
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.01