LANJAIKO (Fredy Jaofera)

Mbola tsisy niantsa

Hangataka antsa
(Nalaina tao amin'ny vetso.serasera.org)
LANJAIKO





Nataoko ny hiadam-pinaritra,
tsy hitodika ny andro taloha
kanefa dia mbola namaritra
ny alahelo nanakotsa ny fo.




Aiza eto no misy andro iray
tsy hisainako zava-tsy tanty
fa matetika no mbola mivay
sy tsaroana ireo nanabanty ?




Ekeko fa mbola mamiratra
iny alina izay manopy jaky
kanefa na eto toa mihiratra,
ny sento no tonga malaky.




Rahoviana no tsy ho saiko
'reo sedra toa saro-baliana
fa anio izao mbola lanjaiko
'reny ora tsy zaka mangina ?




Fredy JAOFERA
--------
Rohy:
721 1
Hametraka hevitra
Midira aloha
Momba ny tononkalo
Mpanoratra : Fredy Jaofera
Nampiditra : 3004
Daty : 18/01/2019 13:34
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0106