MANGANANA (Fredy Jaofera)
Mbola tsisy niantsa
(Nalaina tao amin'ny vetso.serasera.org)
MANGANANAFatra-pitady ny manganana
ka azon'izay tsy nampoizina
raha izao sisa no ananana
sy ny lakana azo voizina.
Fatra-pitady ny manganana
ka voan'izay tsy nandrasana
raha tratran'ny fananganana
ny sento mbola tsy lasana.
Fatra-pitady ny manganana
ka sendra ny taolana mafy
raha indro mbola fahanana
sy tsaroana ho ratsy fitafy.
Fatra-pitady ny manganana,
nitontona tamin'ny tsy izy ;
ireo saritsarim-piadanana,
natao ombieny ambozizy.
Fredy JAOFERA
--------
Rohy:
