MOFO MARIAZY (Fredy Jaofera)

Mbola tsisy niantsa

Hangataka antsa
(Nalaina tao amin'ny vetso.serasera.org)
MOFO MARIAZY


( Atao manoloana ny mofo ho an'ny mpivady vao.)




Ataovy ngeza tahaka an'izao
ny fitiavanareo
hitombo foana no hihavao
ary tsy hankaleo.



Ataovy tsara tahaka an'izao
ny andronareo
hihiratra lava ka ivavaho
tsy hanan-toreo.



Ataovy mamy tahaka an'izao
ny fiainanareo
hitobaka soa ka hirahirao
ho renay ny feo.



Ataovy avo tahaka an'izao
ny tanjonareo
ho rehareha ary dradradradrao
rehefa hiseho.




Fredy JAOFERA
--------
Rohy:
2070 0
Hametraka hevitra
Midira aloha
Momba ny tononkalo
Mpanoratra : Fredy Jaofera
Nampiditra : 3004
Daty : 13/01/2018 13:34
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.011