You are here: home > Vetso

NY HENDRY - Fredy Jaofera

NY HENDRY





Ny hendry misaina
rehefa hanao zavatra,
tsy mitady hoderaina
na ambara ho lafatra.




Ny hendry mamototra
rehefa hisoka-bava
tsy tazan-ko rototra
fa mahay manazava.




Ny hendry mandalina
vao manapa-kevitra,
mahavita sy malina
no tsy mety tezitra.




Ny hendry mahalala
vao sahy miroboka
fa tsy olona adala
maniry hidoboka.





Fredy JAOFERA


Hametraka hevitra

Midira aloha