NY OLONA (Fredy Jaofera)

Mbola tsisy niantsa

Hangataka antsa
(Nalaina tao amin'ny vetso.serasera.org)
NY OLONA




Ny olona tsy azo natoro,
matetika tsy afa-mijoro,
matetika tsy afa-mitraka
fa resy sy toa mivanaka.



Ny olona tsy azo tenenina,
jereo fa toa be marenina,
voan'ny sakodim-panina,
na aiza na aiza tazanina !



Ny olona tsy azo nahitsy,
kenda vao miova mihitsy,
maina vao afaka hahazo
fa maivana toa ravinkazo.



Ny olona tsy azo nanarina,
matetika mora mivarina,
matetika toa tsy mahita
'zay lalana mahatafita.



Fredy JAOFERA
--------
Rohy:
727 0
Hametraka hevitra
Midira aloha
Momba ny tononkalo
Mpanoratra : Fredy Jaofera
Nampiditra : 3004
Daty : 27/06/2016 14:35
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0104