NY VARY (Fredy Jaofera)
Mbola tsisy niantsa
(Nalaina tao amin'ny vetso.serasera.org)
NY VARYNy vary tsy fotsy tsy an-daona
ka aza varimbariana
na mirenireny mandavataona
sao hahabe fanahiana.
Ny vary tsy fotsy tsy an-daona
ka aza mipetrapetraka
na be lalao sy tsy ho tafahaona
sao dia ho ketraka.
Ny vary tsy fotsy tsy an-daona
ka aza matoritory
na kamokamo sy te hivaona
sao dia ho ory.
Ny vary tsy fotsy tsy an-daona
ka aza miadaladala
na manonofy mody afa-tsaona
sao dia hampiala.
Fredy JAOFERA
--------
Rohy:
