You are here: home > Vetso

ONIBE - Fredy Jaofera



ONIBE





Ny efa niampita onibe
tsy mataho-drenirano
fa miroboka foana re,
hita ery ho milomano.




Ny efa niampita onibe,
efa nahita rano lalina
fa tsy vao izao ange,
vao tratran'ito alina.




Ny efa niampita onibe,
tsy matahotra iny voay
fa dia nahalala loza be
efa nihoatra noho izay.




Ny efa niampita onibe,
efa nisedra zava-mafy
raha tsy tia mirehareha
sy eny foana te hihafy.




Fredy JAOFERA


Hametraka hevitra

Midira aloha