REHEFA KELY NY FITIAVANA (Fredy Jaofera)
Mbola tsisy niantsa
(Nalaina tao amin'ny vetso.serasera.org)
REHEFA KELY NY FITIAVANARehefa kely ny fitiavana
dia ngeza be ny hadisoana
ka haratsina tomandavana
sy lazaina ho tsy inoana.
Rehefa kely ny fitiavana
dia ngeza be ny disadisa
sy tsy misy izay finiavana
hanova izany ho paradisa.
Rehefa kely ny fitiavana
dia ngeza be ny fialonana,
nofinofy izay hampihavana
fa satry foana hotakonana.
Rehefa kely ny fitiavana
dia ngeza be ny fosafosa,
tsy mitondra fahasoavana
izay irina mba hisosa.
Fredy JAOFERA
--------
Rohy:
Mpakafy:
Natshy
Hevitra mandeha
Natshy
(
08/06/2017 07:57)
Hono hoa mba saika hangataka fiarahamiasa aminao Adriamato FredyJaofera
