TIAKO (Fredy Jaofera)
Mbola tsisy niantsa
(Nalaina tao amin'ny vetso.serasera.org)
TIAKOTiako raha zaraina
miaraka aminao
'reo efa lazaina
ho hira na lalao.
Tiako raha iarahana
ny hoavy sy voahary
ho entintsika hisahana
ny mamy sy manjary.
Tiako raha tsy nofy
ny efa voadintsika
ka indro re rakofy
ny ora mangatsiaka.
Tiako raha tsy roa
ny toky lavareny
ka haharitra tokoa
no tanjona ombieny.
Fredy JAOFERA
--------
Rohy:
Sokajy :
ahy - fanantenana - Fahatsiarovana - Eritreritra mandalo - Alahelo - fiainana - Aingam-panahy - Fitiavana
