You are here: home > Vetso

TOLONA 1947 - Fredy Jaofera

TOLONA 1947



Mafy dia mafy ity nanoherana
ny fanjanahan-tany
raha ady tsy taka-piheverana
no setriny izany.



Ady mafotaka feno habibiana
nandoza ny maro,
tsy tanty n'oviana n'oviana
ka mbola ampiakaro.



Ady nahafaty an'ireo Malagasy
tia tanindrazana,
voan'ireo tafondro aman-basy
ka tsy nahamazana.



Ady nandravana an'ity firenena
ho resy tanteraka,
ka nahontsa sy nampahonena,
sady nandreraka.



Ady nanimba ny zo aman-kasina
hirefarefa tokoa
an'ity Nosy ambarako ho masina
sy mbola tsy roa.




Fredy JAOFERA

Sokajy : Tanindrazana, tantara

Mombamomba

Mpanoratra : Fredy Jaofera


Nampiditra : 3004
Daty : 11/03/2007
Mpamangy : 1360
Mankafy : 0
Ankafizo

Tononkalo hafa

MARARY NY MARINA
HENDRE
'ZAO DIA 'ZAO
NY LAINGA
RAOZY SA TSILO ?
EFA TANY !...
KINTANA
FARARANO
SAFIDY
DIARY

Hametraka hevitra

Midira aloha