TSY MORA (Fredy Jaofera)
Mbola tsisy niantsa
(Nalaina tao amin'ny vetso.serasera.org)
TSY MORATsy mora ny mihira
'reo hirahirantsika,
na any an-dakira,
tsy renao mikiaka.
Tsy mora ny mijery
ny sarinao tsy foy
rehefa singan-drery
sy tantaraina fohy.
Tsy mora ny miteny
ny lasa izay navela
raha sento lavareny
rehefa ela ny ela.
Tsy mora ny mifidy
fiainana hafa indray
raha nisy sarobidy
ny toky nampiray.
Fredy JAOFERA
--------
Rohy:
Sokajy :
Fisarahana - Fahatsiarovana - Eritreritra mandalo - Alahelo - fiainana - Aingam-panahy - Fitiavana
