YOU (Fredy Jaofera)

Nantsain'i
(Nalaina tao amin'ny vetso.serasera.org)
IANAO




Ianao no mbola voafidy
hianteherana mandrakizay,
koa andao re fa sarobidy
‘reo dina natao hampiray.



Ianao no mbola voatendry
hampihaingo ny zava-boahary ;
koa ento fa tsara fikendry
'reo toky natao tsy fanary.



Ianao no mbola voabaiko
Hitondra ny tsiky rehetra,
koa ity fa na dia ny aiko,
atolotro atao tarigetra.



Ianao no mbola malala
nambabo mora ny saina ;
koa raiso fa mbola tsy miala
'reo hira fanao vao maraina.



Fredy JAOFERA
--------
Rohy:
701 1
Hametraka hevitra
Midira aloha
Momba ny tononkalo
Mpanoratra : Fredy Jaofera
Nampiditra : 3004
Daty : 26/03/2019 16:06
Antsantononkalo
Nantsain'i
© Eugene Heriniaina - serasera.org 1999 - 2024 - page load 0.0104