izany hakantonao ry tiana (fyfty unilah )
Mbola tsisy niantsa
(Nalaina tao amin'ny vetso.serasera.org)
Hainao izany hakantonao anaty fitsikiana Mambabo ny fijeriko,mamoha ny faniriana
Satriko isanandro hijery anao hatrany
Hiaina anilanao nefa nofy ihany izany
Ny endrikao sariaka mahasondriana ery
Ny volonao mitsotra mambabo ny fitia
Maha-te hikasoka, ny tanako efa sasatra
Hanafosafo ny tarehinao, te ho tonga lafatra
Ny filantonao, migadona tsy taitra
Mamaly fitsikiana mody tsy miraika
Mandona ny aty foko,manoratra tantara
Anatin'ny tsiaroko izay hitako fa tsara
Ny fidolanao izay hitako isanandro
No mamerina ny heriko ho toy ny masoandro
Ilay akaikinao ahatsapako hafanana
Ny anilanao no tena mahatamana.
--------
Rohy:
Sokajy :
Fitiavana