✹Aoka fo fantatrao✹ (harylovah)

Mbola tsisy niantsa

Hangataka antsa
(Nalaina tao amin'ny vetso.serasera.org)
Efa haiko fa...ho avy indray ianao
hangata-pamelana, fa vita 'zay natao
dia hifamela isika, toy ny mahazatra
na dia efa ditsoka, marary feno ratra...

Efa haiko fa, tsy asianao sira akory
Ireny ratram-poko tsaroana nampaory
Satria hamela anao, ny foko mbola tia
Efa koa nivoady fa hoe hiaraka doria...

Efa haiko ho'aho, fa mbola hanin-droa
Mbola hitohy hatrany ny ditranao koa
Dia mbola hamela aho, raha hiverenanao
Satria hainao tsara, f'izaho tsy mba mandao...

Fa aoka ho fantatrao, fa any andro iray
Ho tonga eto ianao amin'izay fotoana izay
Hangatam-pamelana, hiventy fiangaviana
Fa ferapara sisa no hitsena anao, ry Tiana....

#Harylovah
--------
Rohy:
1144 0
Hametraka hevitra
Midira aloha
Momba ny tononkalo
Mpanoratra : harylovah
Nampiditra : harylovah
Daty : 05/04/2018 12:30
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0113