AVADIKO NY PEJY Avadiko (harylovah)

Mbola tsisy niantsa

Hangataka antsa
(Nalaina tao amin'ny vetso.serasera.org)
AVADIKO NY PEJY

Avadiko ny pejy, ovaiko ny fijery
Iniana hadinoina ny lasana omaly
Nahafinaritra iny, kanefa tsy voatery
Ho tamàna foana na de nahafaly...

Avadiko ny pejy, fisiana tonga lafatra
Manova indray mikasa tsiky vaovao
Teny vitsy monja no hany fara hafatra
Misaotra anao ny foko fa nolalovanao

Avadiko ny pejy, angamba halahelo
Iaretana andro vitsy ny aliko tomany
Miafina ao am-poko ireo tsiambaratelo
Maraina vaovao no iainako androany

Avadiko ny pejy, dieny tsisy ratra
Fa volana madio no teny niombonana
Tsy misy mahasolo ilay angoty nahazatra
Fa haiko mankamamy ireny ho fiononana
--------
Rohy:
1215 0
Hametraka hevitra
Midira aloha
Momba ny tononkalo
Mpanoratra : harylovah
Nampiditra : harylovah
Daty : 22/02/2018 12:00
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0104