You are here: home > Vetso

Fiononana - harylovah

Ny bika leitsy ananany a,
Ny tsikiny dia lafatra
Fa ny rantsan-tanany
No efa misy hafatra
Dia pera-bolamena
No efa manambara
F'efa vita fanekena
Izy iny, ka voarara.

Efa_ela, leitsy, izy iny
No mba notsiriritiko a
Fa meva tsisy tsiny
Kanefa tsy voasintoko
Raha ny tena marina
Tsy niangaviako akory
Iriko angalarina
Fa tsy ahitako tory.

Kanefa, leitsy, inoako
Fa tena fahoriana a
Ny tia an-tsokosoko
Kanefa tsy mba tiana
Ka hiezaka aho hamoy
Ilay sombina tantarako
Ny fiainana mitohy
Andrasako ny anjarako.

Harylovah[121016]

Hametraka hevitra

Midira aloha