Mba naminavina ny hoavy n (harylovah)

Mbola tsisy niantsa

Hangataka antsa
(Nalaina tao amin'ny vetso.serasera.org)
Mba naminavina ny hoavy ny foko
Mba nanembonembona fiainana tony
Mba te hisalotra izay hafa loko
Mba te hanakatra tanjona ambony


De niezaka mafy nanao ny azo atao
Tsy nitsitsy aina sy niaritra nihafy
Nahafoy mihitsy ireo kilalao
Nisedra ny onjan'ireo ady mafy...


Rehefa tomorina anefa ny lasa
Toa mananihany ny tsikin'ny ampitso
De vahotra teo re ny saiko mikasa
Sahady mihevitra hoe de ho diso


Ka ny azo atao manomboka anio
Miana tsy taitra tsy de be fikasa
Mandinika mora amin'ny fomba madio
fa ho tonga ihany izay nofin'ny lasa


Harylovah
--------
Rohy:
1340 1
Hametraka hevitra
Midira aloha
Momba ny tononkalo
Mpanoratra : harylovah
Nampiditra : harylovah
Daty : 07/02/2016 12:59
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0098