You are here: home > Vetso

Tsy haiko intsony - Hatenaina

Ny saiko ve no voa
Sa ny olona moa
No manao tandrevaka
Sy mametrapetra?

Ny fo ve no malazo
No izao no mahazo
Sa ny olona no manondrana
Sy mivadik'ondana?

Ny tena ve malemy
Sa hoe tsy anjely
Ka araraotina
Sy heverina ho tsy maotina?

Izaho ve no adala
Ka minia tsy mahalala
Sa ny olona no fatsora
Sy mitady hamely mora?

Ny finoako ve tsy mafy
Ka mitady tsy hahatanty
Sa ny olona no olana
Sy tia miolanolana?

Izaho ve be ranomaso
Sy mora matsatso
Sa ny olona no be lazao
Sy mahita atao?

Izaho ve no kanosa
Sa ny olona kosa
No mampanantena poakaty
Ka mampaharary ny any anaty?


Hevitra mandeha

Hatenaina (25/10/2018 16:13:26)

Ny solon'anarana ve mbola azo ovaina ? Dia raha eny dia ahoana no fomba hanovana azy?

hery (29/10/2018 19:14:48)

Tena ny solonanarana no mitazona ny mombamomba anao rehetra dia tsy azo ovaina intsony. Afaka manokatra kaonty vaovao dia mampiasa solonanarana hafa.

Hametraka hevitra

Midira aloha