Indray Maraina izay... (Jinah MAHAZINA)

'Ty vohitra eto 'ty, sy iry havoana iry,
Tiako sady mamiko, fa nolalainao...
Voatambatra ho sary, ho rakitra tadidy...
Ifamontoanantsika, ...
....indray andro any, ...."Lay Vohitry ny nofy"!

........saingy itsy hantsana itsy,
Manganohano lalina, tsirihi-mahafaninana, ...
no mampisarak'azy, tsy afak' ifandray....
...dia zary ventsoventso, ....
Velovelon'olon-tiana: tandinon'izy lasa...
...no hankafizantsika, 'Lay Vohitry ny nofy"!

.....an'eritreritro ao, antsainao lalandava....

Hany sisa tokintsika, indray maraina iny...
raha tohizako ny làlako, ...dia diavo koa ny anao,
..Fa hisy andro iray, manoatra noho izao;
Ifanolorantsika ny mamy nolalaina,
...sy reo ngidy nozakaina....
--Antokatranontsika: "Lay vohitry ny nofy"

Le Soleil 104, 19/08/12
Jinah MAHAZINA
--------