IZAY IANAO VAO RESY (joseclaudio)

IZAY IANAO VAO RESY.

Ianao ilay tsy mba sasatra nikatsaka hatrany.
Nandany ny andro maro, hitadiavana ny lafatra.
Nikaroka, nitolona niady foana foana.
Niitsemboka ianao na mafy aza ny ady nanoloana.

Ianao ilay tsy mba kivy, na maro aza ireo sedra.
Fa niezaka namindra nitady ny soa rehetra.
Ianao ilay tsy mba nionona,tamin'ny fiainana hoe "anjara "
Ianao?... ilay nanambatra ny hery ho vatsy hoenti-miady

Ianao... ianao hatrany hatrany,
Ilay niezaka nanonitra ny fiainana mitanila.
Nikatsaka fivoarana, nioitra mba ho soa!
Vitanao daholo izany rehetra izany.

Fa ny niafarana?
Dia resy foana ianao
Satria tonga ny tsy maintsy, lalana holalovana;
Diavin'olombelona...

Joseclaudio_ 01 aogositra 2015
--------