Tsy irery ianao (Karako)

Mbola tsisy niantsa

Hangataka antsa
(Nalaina tao amin'ny vetso.serasera.org)
Tsy irery ianao fa samy eto isika ;
Miaraka miaritra ny fana sy ny hatsiaka.
Miaraka misedra ny onjan’ny fiainana ;
Izaho no silakao sy sofina itarainana !

Raha tohina ny aty marary my afero !
Izay vainao rehetra ao tonga dia potsero ;
F’iarahana mizaka, iarahana tsaboina.
Izay tambavinao dia iarahana sotroina.

Tsy irery ianao fa izaho eto koa
Miaraka mitanty ny afy sy ny soa.
Raha faly ianao, izaho koa ravoravo
Ny tanjontsika roa hiara-hisondrotr’avo.

Aza adino retsy ireny fifaliana…
Tsarovy ihany koa fa be ny fitahiana
Niainana hatrizay, avy amin’ilay Tsitoha ;
Ka mitsikia izao dia atrakao ny loha !

Karako
2017-12-20
--------
Rohy:
Sokajy : fiainana - Fitiavana
1505 2
Hametraka hevitra
Midira aloha
Momba ny tononkalo
Mpanoratra : Karako
Nampiditra : karako
Daty : 25/07/2018 19:50
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0104