TSY TONY (KIRIAH )

Mbola tsisy niantsa

Hangataka antsa
(Nalaina tao amin'ny vetso.serasera.org)
NY SENTO nisikinan ' ny fo nilaozanao
no mbola koa firakotra tinafiny amin 'ny alina
rehefa injay nivalona
lay hazavàna feno
nentin 'ny fitiavana
dia iny fa niradana
nanjohy anao ny vetsony
dia injao ny fiefonefony anatin ' ny aliny ao
mitanisa sary mirongo ny endrikao.

saingy :

Miaingitra ny hambo miloloha ny avonavony
te hanadino mihitsy ... anao ilay notiaviny .
Fa raha ny hatezerana mandroaka fahatsiarovana
ny FANAHY MITIA : tomany sy torovana

Ny seza, ny fandriana
ny lamba izay firakotra
no miaraka manatrika
ireo aliny mangina
MOANA sady sina

KIRIAH
--------
Rohy:
1941 0
Hevitra mandeha
raozigasy ( 15/04/2013 23:33)
Sento sasak-alina
Rako-betso lalina
Mandrovi-pahanginana
Anaty fivonkinana

Vadibadi-tory
Feno nofy ory
Mampivoa-dinitra
Toa vetso mahavinitra

Loha tsy mety lavo
ondana atao avo
sempo-tsy avy miaina
Ka ela vao maraina

Ireo no natambany
Ho bemirain’ny lambany
Sy tafin-torimaso
Mbola feno ankaso

Ireny no narakony
Ireo kiaka feno akony
Nandrovitra ny fony
Tiany mba afoiny


Satria

Ny hatory am-pilaminana
Anaty fahanginana
Tsy vitan’ny fanahiny
Masiaka ny tsiahiny
Mitantsotia ( 17/05/2013 16:14)
Tafaraka ny samy henjana!!!
Satry ho eto foana fa tena lafatra raha ohatra izao tononkalo
Mankasitraka an'i Kiriah sy Raozigasy

Mitantsotia ( 17/05/2013 16:14)
Tafaraka ny samy henjana!!!
Satry ho eto foana fa tena lafatra raha ohatra izao tononkalo
Mankasitraka an'i Kiriah sy Raozigasy

hery ( 21/05/2013 04:55)
Tokony manao boky itambarana i Kiriah sy Raozigasy :-p
kiriah ( 30/06/2013 12:18)
Efa midinika azy mits zao ka! :p
kiriah ( 30/06/2013 12:18)
Efa midinika azy mits zao ka! :p
Hametraka hevitra
Midira aloha
© Eugene Heriniaina - serasera.org 1999 - 2024 - page load 0.0139