You are here: home > Vetso

NY SORA-TANAKO - MADAÏES(danny)

Ny sora-tanako vetson'ny tiana
Homeko zay liana sy sondrisindriana
Ny sora-tanako ho eti-manintsy,
Hanatsara hanafaona ny mangirifiry

Ny sora-tanako tsy ho an'olon-tokana
Fa ho any rehetra zay tojo ny sompatra
Ny sora-tanako dia isan'ny apinga
hanintsy ny ho aviko mba tsy andringa

Tsy ho entiko hanandratra ahy ho ambony
Fa kosa hanafaona ny manorisory
Tsy ho reharehavako toy ny harena
fa kosa tahiry Diary volamena

Ao ny tantaran'ny androko lasa,
ireo faniriana sy zava-kinasa
Ny faniriana ny taniko ho soa,
Sy izany fitiavana ho lamban'akoho

Ao ny avelon'ny fanantenanan,
ao ny adiady zay tena nafana
Ao 'lay rano niangona tsisy mpandraoka
De ireo ranomaso nameno kapaoka.

Ny sora-tanako dia ny fiainako,
Milazalaza 'reo vetson-tarainako,
Indrindra indrindra izany fitiavako
tsy nahitako mangirana ,nanamando ny tavako.

.......ZAY , Danny 1997 T/ve

Hametraka hevitra

Midira aloha