You are here: home > Vetso

Voankazo voarara - Mandefitra

Voankazo voarara

Tiako ianao kanefa,
fitia tsy ho tanteraka
fa diso fiantefa....
ny saiko indray no reraka

Hena antanan-tsaka,
mofo antanan-jaza:
menatra aho raha haka,
sao koa misy mandaza

voankazo misy tompony,
madera anaty fefy
masaka ifotony
ny hanitra tsy lefy

Nefa de tsy ho ahy,
na satriko laingosana
toa fakam-panahy
ty bikanao nofosana...

Iriko raha iriko,
ho tojo toa anao:
endrik'ilay tiako
mambabo tsotra izao.

Sokajy : Fiononana

Hevitra mandeha

fiaritiana (06/02/2006 16:41:45)

hummmmm!tena tsara ange izy izany e!tandremo àry sao alaina indray izy nefa efa misy tompony a!

Mandefitra (13/02/2006 12:11:05)

misaotra

Hametraka hevitra

Midira aloha