TE HIBANJINA NY LANITRA (Miarantsoa Anicet)
Mbola tsisy niantsa
(Nalaina tao amin'ny vetso.serasera.org)
Te hibanjina ny lanitra Fijeriko fahiny aho.
Ilay lanitra manga
Manopy ny hazavany.
Eny alavitra eny
No misy rahom-potsy
Milaza fa ho avy
Ny orana rahariva.
Setroka maloto no hitako ankehitriny.
Orana madity, fotaka mandrevo.
Loto mivangongo,
Ady mahabongo.
Hanoanana eran-tany...
Aiza intsony ny hanihany?
Aiza koa ny tsikitsiky?
Rediredy sisa iky.
Fatin'olona isan'andro,
Tsy mipoitra ny masoandro.
Te hibanjina ny lanitra
Fijeriko fahiny aho.
MIARANTSOA ANICET
--------
Rohy:
Sokajy :
Tanindrazana
