Ny hitany sintrany (Momo Jaomanonga)

Nantsain'i
(Nalaina tao amin'ny vetso.serasera.org)
Tsy vava no tsisy
fa matoa izy nangiñy, ao foño ny dikany.
Tsy hitroatra no tsy hainy,
fa mandefitry no hitany sintrany.
Tsy masony gila
fa raha jiaby mandalo nataony sary tsy hita.
Fônazy mbala tia,
tantara tiany hitohy tsendriky ho vita...

Tsy sörany ratsy,
na olo adala fo mbala misy mpitia.
Aleony niaritry mangidy,
natà fitiavany nasetrinao diadia.
Tihitihy baràka, tsikotsikon'olo
tsy nasiany sira.
Mbala izy koa no mitambitamby,
nëfa anao no namalan-kira.

Fahatsoraña nanañany,
nataonao sary tsy hita.
Koraña tsara nataonao adiña
zaka nilainao koa 'fa vita
Matsabory ambany tanàna izy,
tsy nigiahiñy fa hanasam-bity.
Narianao ny maloto, nazonao ny fafiny,
‘ziô anao nivadiky biby...

Tsy manantsiñy edy izy iñy tiô
fa nizarinao hadalàña.
Matotro edy izy tiô,
fa niany ‘ty nanjary nañara-dàlaña.
Feno eky ny kapoakany,
mafy loatra fa tsy zakany...
Naleony nanapa-kevitry hafahafa,
fa fiarahana aminao, eka tsisy varany...
--------
Rohy:
Sokajy : fiainana - Fitiavana
2053 2
Hevitra mandeha
hery ( 07/04/2019 10:27)
Kanto
Hametraka hevitra
Midira aloha
Momba ny tononkalo
Mpanoratra : Momo Jaomanonga
Nampiditra : ikalamako
Daty : 07/04/2019 09:41
Antsantononkalo
Nantsain'i
© Eugene Heriniaina - serasera.org 1999 - 2024 - page load 0.0094