Ilay fitia manjopiky (Nalison Randrianaivo)

Mbola tsisy niantsa

Hangataka antsa
(Nalaina tao amin'ny vetso.serasera.org)
Ilay fitia manjopiky

ilay fitia manjopiky
nandrotika, nikiky
ny tao anaty manontolo
tsy hay ho fefena
nahamay toa nandoro
ny tao anaty saha edena

ilay fitia manjorehitra
izay namiratra, nidorehitra
nanazava ny tontolo
sy nampisava ny hatsiaka
ny tao anaty manontolo
sy nampafana antsika

ilay fitia mibaribary
ilay fitahin'ilay nahary
ka nampiray ilay fo
ilay tiana ho sahaza
nampitambatra tokoa
ilay anjara voalaza
--------
Rohy:
Sokajy : Fitiavana
722 3
Hametraka hevitra
Midira aloha
© Eugene Heriniaina - serasera.org 1999 - 2024 - page load 0.0119